परिचयको खोजी
News Teamकला तथा साहित्य
जीन्दगी एक मिठो कल्पना नै त हो । जहाँ मिठो कल्पना गरिन्छ भने जीवन पनि मिठै लाग्छ । तितो कल्पना गरे तितै लाग्छ । उसोभए किन जीबनलाई सहज ढंगले नलिने त ? भने जत्तिकै यो संसार कहाँ सजिलो छ र , जीवनको गाडी सहि संग हाक्न र संचालन गर्ने नाउमा कहिले आर्थिक समस्या , सामाजिक बन्धन त् कहिले पारिबारिक पर्खाल तेर्सीन्छ । त्यो पर्खाल नाघ्न खोजे असामाजिक उपनाम दिन्छ । अनि समाजले यो यस्तो उ उस्तो भनी कति सजिलै भनि दिन्छ । नारी दिवस मनाउन थालेको पनि १०५ वर्ष बितिसकेछ । तर कतिले यो बन्धनबाट कति बाहिर आए होलान त्यहि समाजले तोकिदिएका नियमभित्रै पनि त्यो भित्र कति कुरूप छ के थाहा ? समाजले त् बाहिर सतही रुपमा बुझ्ने न हो । यदि मान्छेले भरपुर स्वतन्त्रता उपभोग गर्न पाउने हो भने मान्छेको जीवन कति रसिलो र सन्तोषजनक हुदो हो ।
आज उसले भोगेको जीबन, कल्पना गरेको संसार, बुझेको सौन्दर्यता र समाजले बुझेको सौन्दर्यतामा धेरै फरक भेटी उसले भोगेको जीबन बाट माथि उठेर स्वतन्त्रताको लहर नशा नशामा दौडदै थियो । शरीर ढाकेको घुम्टो कुर्ता सुरुवाल उतारेर क्रमश काँटीमा झुन्ड्याई । बिकार युक्त हावा बाट स्वच्छ हावामा लामो सास फेरी । फेरी एकपटक मनको कौतुहलता मेट्न फेरी एकपटक ढोकाको चुकुल लागेको छ कि छैन हेरी । ऐनामा हेरेर सम्पूर्ण शरीरको सौन्दर्य नियाली अगाडि देखेकी जो युवती थिई जसलाई आजसम्म कहिल्यै यसरी नियालेर हेरेकी थिइन् । पहिलो पल्ट थाहा पाई कि उ यती धेरै सुन्दर, निश्चल, निर्मल ,ममतामयी स्नेहमयी छ भनेर लयालु आँखाले हेरी —सायद यो संसार येस्तै बाथरुम जस्तै स्वतन्त्र भैदिए ….