फोहर पानीका कारण एसएलसी परीक्षा दिइरहेका ६१ जना विद्यार्थीमा झाडापखाला

जाजरकोट दशेरा गाविस वडा नं ३ स्थित जनप्रिय उच्च माविमा एसएलसी परीक्षा दिइरहेका ६१ जना विद्यार्थीको झाडापखालाको उपचार गरिएको छ ।

दशेरा स्वास्थ्य चौकी इन्चार्ज नवीना कँडेलका अनुसार फोहर पानी खाएका कारण विद्यार्थीमा झाडापखाला सङ्क्रमण देखा परेको हो । जिल्लाको सबैभन्दा बढी विद्यार्थी दशेरा परीक्षा केन्द्रमा रहेको तर पानी नहुँदा जस्तो पायो त्यस्तै खाँदा यस्तो समस्या आएको कँडेलले बताउनुभयो । गाउँमा पानीको धारा नभएका कारण खोलाको पानी १ घण्टा लगाएर ड्रममा बोकेर विद्यार्थीलाई खुआउँदा यस्तो समस्या देखिएको हो ।

झाडापखालाका बिरामीको सङ्ख्या बढ्ने हो भने औषधि पनि अभाव हुने स्वास्थ्य संस्थाले बताएको छ । जिल्ला स्वास्थ्य कार्यालयले थप जाँचका लागि टोली पठाउन लागेको महामारी फोकल व्यक्ति कृष्णबहादुर खत्रीले जानकारी दिनुभयो ।  परीक्षा दिने विद्यार्थी बस्ने र खाने कुराको अभावमा निकै समस्यामा परेको पनि केन्द्राध्यक्ष अधिकारीले जानकारी दिनुभयो ।

जिल्लाको जगतीपुर परीक्षा केन्द्रमा पनि झाडापखाला देखिएको जनाइएको  छ ।

सम्बन्धित शिर्षकहरु

काबेली ‘ए’ जलविद्युत् आयोजना निर्माणको जिम्मा चिनियाँ कम्पनीलाई एक लाख ५७ हजार घुससहित इञ्जिनियर पक्राउ धुर्मुस–सुन्तली फाउन्डेसनलाई आईसीएफसीको साढे ५ लाख अनलाइन निर्देशिका संशोधन गरिने सूचना तथा सञ्चारमन्त्री राईको भनाई पूर्वराजपरिवारको दरबार रत्न मन्दिर अब सर्वसाधारणका लागि खुला बिना रकम काम गर्दैनन् खानेपानी कर्मचारी १० खर्ब ४८ अर्ब ९२ करोड १३ लाख रुपैयाँको बजेट पेश,लोकप्रिय कार्यक्रमहरु समावेश ‘नक्कली पाइलट’ डेढ वर्षदेखि गोमा एअरका सहचालक कार्की पक्राउ दुई नक्कली चिकित्सक परीक्षास्थलबाटै पक्राउ हचुवाको भरमा गैंडा स्थानान्तरण हुँदै