बाढी पिडित सहयोगार्थ इजरायलमा देउसीभैलो कार्यक्रम सम्पन्न

एनआइ न्युज, इजरायल ।

नेपालीहरुको दोस्रो ठुलो महान चाड  शुभ-दिपावली तथा तिहारको अवसर पारेर इजरायलबासी नेपालीहरुले तेलअभिब स्थित लेवन्स्की खुल्ला पार्कमा  भब्य रुपमा दीपावली तथा देउसी भैलो कार्यक्रम सम्पन्न गरेका छन् । झापाको शिब सतासी स्थित चिल्लागडमा गत श्रावण १५,१६ मा गएको निरन्तर बर्षाका कारण आएको वाढी पहिरोवाट बिस्थापित भएका पिडित परिवारहरुको सहयोगार्थ आयोजित कार्यक्रम झापाली समाज इजरायलको आयोजना तथा इजरायलमा रहेका विभिन्न  संघ संस्थाहरुको सह-आयोजनमा गरेको  हो ।

 खुल्ला पार्कमा कार्यक्रम गरिए पनि पानसमा दिप प्रज्वलन सहित राष्ट्रियगानको धुनसँगै  औपचारिक रुपमा सुरुवात गरिएको सो कार्यक्रममा उल्लेख्य मात्रामा इजरायलबासी नेपालीहरु , इजरायल स्थित विभिन्न संघ-संस्थाका प्रतिनिधिहरु तथा  अनलाइन बेस मिडियाकर्मीहरुको आश लाग्दो उपस्थिति रहेको थियो ।

झापाली समाज इजरायलका अध्यक्ष ललित चन्द्र बजगाईंको सभापतित्वमा सम्पन्न उक्त कार्यक्रममा शुभकामना मन्तव्य दिनुहुदै विशेष अतिथी  एनआरएनए एनसीसी इजरायलका अध्यक्ष दिपक ओलीले प्रबासमा रहेर पनि सम्पूर्ण नेपालीहरु मिलेर आफ्नो धर्म संस्कृति, संरक्षण तथा सम्बर्द्धनका लागि आफ्नो कामको बाबजुत पनि एक जुट भएर  चाडबाडहरु मनाउन पाउनु गर्वको कुरा भएको बताउदै उपस्थित सम्पूर्णलाई दिपावलीको शुभकामना ब्यक्त गर्नुभएको थियो ।

विभिन्न संस्कृतिक मनोरन्जनात्मक कार्यक्रम सहित देउसी भैलोको गितहरु, नृत्य तथा दीपावली पुजा गरि  प्रसाद वितरण सहित सम्पन्न  गरिएको उक्त कार्यक्रम गणेश गौतम ‘सागर ‘ ले औपचारिक कार्यक्रम संचालन गरेको थिए ।

कार्यक्रममा इजरायलमा रहेका विभिन्न संघ संस्थाका प्रतिनिधीहरु, इजरायलमा कार्यरत नेपाली तथा नेपालीभाषी भारतियहरुको उल्लेख्य उपस्थिती रहेको थियो ।

सम्बन्धित शिर्षकहरु

अमेरिकाको ४५औं राष्ट्रपति बने डोनाल्ड ट्रम्प आईएस प्रमुख बग्दादीको हत्या प्रयास प्रवासी नेपाली नागरिक समाज इजरायलको नयाँ कार्यसमिति चयन यस बर्षको प्रतिष्ठित ओस्कार अवार्ड चर्चित फिल्म स्टार ज्याकी चयनलाई हरितालिका तीज सांगितिक उत्सवमा भाग लिन कलाकारहरु इजरायलमा (भिडियो रिपोर्ट सहित) लोक गायिका राधिका हमाल लगायतका कलकारहरुको उपस्थितीमा तेलअभिवमा भव्य रुपमा तीज मनाउने तयारी धुर्मुस-सुन्तली फाउन्डेसनलाई चितवन समाज इजरायलद्वारा आर्थिक सहयोग हस्तान्तरण कावुलमा भएको आतंकवादी आक्रमणमा मारिएका १२ नेपालीको पहिचान खुल्यो एनआरएन इजरायलद्वारा संस्थाका सचिव विनोद घिमिरेको स-सम्मान विदाई धुर्मुस सुन्तली अभियानको हातमा साथ दिदै इजरायलवासी नेपालीहरु