क्यान्सर परीक्षणमा नयाँ र ठूलो उपलब्धि

ए1न्यूज अमेरिका रोहित भण्डारी

क्यान्सर बिश्वभरि र नेपाल भरिमा मात्र पनि उच्च मृत्यु दर भएको रोग हो। धेरै जसो क्यान्सरहरु समयमा नै सहि तरिकाले उपचार भएमा निको हुन्छन। क्यान्सरका बिषयमा धेरै किसिमका अनुसन्धान भैसकेका छन् र विभिन्न किसिमका अध्ययन हरु जारी छन्। यसै बीच अमेरिका स्थित जोन होप्किन्स स्कुल अफ मेडिसिन (John Hopkins School of Medicine) का वैज्ञानिकहरूले क्यान्सर परीक्षणका लागि आफूहरूले एउटा ठूलो उपलब्धि हासिल गरेको बताएका छन्।

एक हजार बिरामीमाझ गरिएको नमुना परीक्षणमा उनीहरूले आठ किसिमका क्यान्सर पत्ता लाग्छ कि लाग्दैन भनेर हेरेका थिए।

क्यान्सर रोग पत्ता लगाउन गरिएको नयाँ रगत परीक्षणले शरीरका अन्य भागमा फैलिनु अघि आठ किसिमका ट्युमरहरू पत्ता लगाउन सक्ने दह्रो आधार दिएको छ।

यो अनुसन्धानबाट फैलिनु अघि नै क्यान्सर पत्ता लगाउन सकिने अपेक्षा गरेको अनुसन्धानकर्ताहरूले बताएका छन्।

आंकलन

‘क्यान्सर सिक’ भनिने उक्त परीक्षणलाई व्यापक रूपमा पहुँचमा पुर्याउनु अघि थप अध्ययनहरू आवश्यक रहेको साइन्स नामक जर्नलमा प्रकाशित रिपोर्टमा भनिएको छ।

उक्त परीक्षण गर्न प्रति व्यक्ति करिब ५ सय डलर खर्च लाग्न सक्ने आंकलन गरिएको छ।

१ हजार पाँच जना क्यान्सरका बिरामीमाझ जन हप्किन्स विश्वविद्यालयका अनुसन्धानकर्ताहरूले गरेको अध्ययनले कलेजो, पेट, छाती, स्तन, अण्डाशय, पाचनग्रन्थी लगायतमा क्यान्सर रोग पत्ता लागेको थियो।

लक्षण

यो परिक्षणको अन्तिम उद्देश्य भनेको मानिसहरूमा रोगको लक्षण देखिनु अगावै क्यान्सर लाग्ने नलाग्ने पत्ता लगाउनु रहेको वैज्ञानिकहरूले जनाएका छन्।

उक्त अनुसन्धानमा संलग्न नरहेका विज्ञहरूले भने अनुसन्धानको सत्यता बाहिर आउनुअघि थप अनुसन्धानहरू गर्न आवश्यक रहेको बताएका छन्।

क्यान्सर पत्ता लगाउन गरिने रक्त परीक्षण सम्बन्धी थुप्रै किसिमका अन्य अनुसन्धान पनि जारी रहेका छन्।

यस बिषयमा बिस्तृत अध्ययन गर्न तलको लिंक मा क्लिक गर्नुहोस्

https://www.hopkinsmedicine.org/news/media/releases/single_blood_test_screens_for_eight_cancer_types

सम्बन्धित शिर्षकहरु

विशेष स्कुल तथा पुनर्स्थापना केन्द्रमा अटिजम सचेतना दिवस मनाइयो सबै धर्मको सम्मान गरौँ : काकासाहेब राष्ट्रपतिका लागि अाज मनाेनयन – दोहोरिँदै विद्यादेवी, काँग्रेसले लक्ष्मी राईलाई उम्मेदवार गराउने करेला खाने सहि तरिका, यस्ता छन् ८ फाइदा डान्स गर्न नमानेपछि अभिनेत्रीको गोली हानी हत्या, यसरी भएको थियो घटना जेलबाट भागेका ‘टिके डाँका’ माथी प्रहरीद्वारा गोली प्रहार अमेरिकाको टेक्सासमा लुटेराको गोली लागी एक नेपालीको निधन हाछ्यु (आछ्यु) रोक्न खोज्नु खतरनाक होसियार ! दुखाई कम गर्ने औषधी आइबुप्रोफेन(Ibuprofen) सेवनले पुरुषमा बाझोपना हुन सक्छ नयाँ बर्ष सांगितिक साँझ २०७४ मा सहभागिता जनाउन कलाकारहरु इजरायलमा (भिडियो सहित)